I den pågåande koronakrisa har eg søkt inn i det som gir meg tryggleik og glede. For min del blir det strikking, og tradisjonelle norske mønster som dette mønsteret er eit klassisk eksempel på.

Mange har det tøft i Noreg no, men vi er heldige som bur i eit land der vi går inn i ein nasjonal dugnad for å redde liv og helse hos dei svakaste hos oss. Det har likevel fått meg til å tenke at det er så mange rundt i verda som ikkje er like heldige som oss i Noreg. Det var då ideen om dugnadssokken kom til. Namnet har den fått då alle inntekter frå sal av mønsteret fram til 01.05 vil gå til Leger uten grenser og deira arbeid verda over for å kjempe mot koronaviruset.

Då blir det rett og slett ein liten strikkedugnad. Du kan få eit mønster du kan strikke sokkar til dine nære og kjære med, og samstundes også bidra til ein god sak. Det vil gjere meg utruleg glad om du har lyst til å bidra.