Peysan er prjónuð ofan frá og niður. Fitjað er upp með opinni uppfit, stroffið er prjónað tvöfalt lengra en það verður, svo er brotið inná það og lykkjurnar sem fitjaðar voru upp eru prjónaðar saman við lykkjurnar á prjóninum áður en byrjað er á berustykkinu. Við þetta verður hálsmálið tvöfalt, fellur vel að og er mjög teygjanlegt.
Næst eru prjonaðar styttar umferðir til að fá hálsmálið hærra að aftan en að framan og fyrir fallegra og þægilegra snið.
Berustykkið er prjónað samkvæmt leiðbeiningum eða munsturteikningu og svo er því skipt upp í bol og ermar, þá er fitjað upp á lykkjum undir handvegi.