Tulip stuttermabolur er prjónaður ofanfrá og niður. Gert er ráð fyrir upphækkun í aftanverðu hálsmáli, ef henni er sleppt þá má skipta út með 3 br.umferðum)
Sérstök munsturteikning er fyrir hverja stærð. Merkt er á munsturteikningum hvenær skipt er upp í bol og ermar, og síðan haldið áfram með bol skv munsturteikningu. Þegar kemur að ermum þá er bara lokið við að prjóna blómstrin en blöðum sleppt.

Ég gef upp 3 tillögur að garni í bolinn, en það er það garn sem notað var við að prufuprjóna hann, þar af leiðir að gefið er upp metramagn en ekki grömm þegar kemur að magni garns í bolinn. Hægt er að nota hvaða fínband sem er svo lengi sem réttri prjónfestu sé náð. Algengast er að fínband sé ca 400 mtr í 100 gr. Það nægja því 200 gr í stærð 1, en í stærð 5 þyrfti 350 gr.

Bolurinn er stuttur, ef óskað er að hafa hann síðari þá þarf að gæta þess að bæta við uppgefið magn af garni.

Silla
silla@grisara.is